من بين شفه وشفه
مع أول خيط دم ف كحه
مع أول بوسه وشفه ف شفه
مع أول خطوه مع أول لفه
أهلى ف كفه وحبي ف كفه
وانا قافل بقي وحابس التفه
ولأنى قافل بقي
بشاور براسي أيوه وحابس ف قلبي لأه
مع أول نقطة ميه ف مطره
مع أول دوسه على ايدك بلهفه
مع أول شفطه لعصير الأيام الناشفه
اسمى ف كفه وجسمي ف كفه
وانا قافل عينى المحمره النازفه
ولأنى قافل عينى
بشوف اللأه أيوه واشوف الأيوه لأه
مع أول كشف عند دكتور الحته
قاللى وهو بيطفيها لازم تبطلها
قلت انا أ......
ماقالتها من قبلك أمى الست الجاهلة
فرقت ايه عنها؟؟
وعامللى ع اليافطه زفه!!
نزلت من عنده قابلت وانا ماشي صوره لزعيمنا
رسمت بصباعى رسمه!!
مسكنى امين شرطه بتهمة خيانه عظمى
وف صفحة المحضر
حمدت أنا ربي
انى مفتحتش بقي وطلعت التفه
او اتحررت من قلبى
تهمة
اسمها لأه
هناك ٢٧ تعليقًا:
أنا نفسي زهقت من كتر ما بكتبلك كلمة مبدع
بس معلش مضطرة اكتبها مرة وتانية وتالتة وعاشرة
مبدع فعلاً
أيه يا عم الثورجى
ده طلعت جامد فى كله
مش بقلك مختلف
وعلى رأى ميراج
مبدع
وعلى رأى
مختلف
أذن أنت مبدع مختلف
مع اول ضمة شفه فـ شفه
كانت اوى بوسه واول لفه
فين زمان
لما رسمت بعينى اول خيط
دخان
شفته طاير
مسكته بكفي
قفلت صوابعى خنقته ومات
شفتنى اختى الـ اكبر منى بسنه وست اشهر
واربعة ايام
راحت جريت ماكان مابنام
شدت لحاف تحت الاكوام
شمت سريري اللى فيه انا انام
جريت تانى
راحت لامى
الست الجاهله
ودن فـ ودن هاتك ياكلام
هربت انا ماشي
فرحان بضمه شفه فـ شفه
وبخبي وشي الاصفر
بـ خيط دخان
..................................
مبدع كما يكون الابداع
حلوووووه اوى يا حورس
احييكى بشده
وارفع لك القبعه
انا هخليها مرفوعه على طول بقي ياعم
تخياتى يا صديقي
حورس
الله حرام عليك تحفة وراء تحفة
يا سلام يا أستاذ على الطعامة
بس أه
نفسى نقدر بجد نقول لا لا ونصرخ بيها لما نبقى حسينها
يا رب دائما على القمة
وتحياتى لك يا أستاذ
حورس بجد مبدع
جميلة اوى اوى اوى اوى
وعجبتنى موت
بجد رائع
وأتمنى اسمع رائيك النهاردة فى اعتذار عشان انا عايزة اعرف هل الاعتذار اللىانا كتبته لحبيبي دا يكفي ولا سخيف
اتمنى اسمع رائيك يا صديقي العزيز
وانتظر بشدة
..............................
وميرسي موت على إضافة مدونتى عندك
دا شرف كبير ليا منك انها تكون عجبتك
تحياتي صديقي
ريال لف
الصديق العزيز
حورس
كلامك بيغير حاجات كتير جداً
رغم إني ما باحبهاش
بس اتعاطفت مع حبك ليها
بس بادعيلك
ربنا يبعدك عنها
عجبني قوي الجزء الاخير
*****************
نزلت من عنده قابلت
وانا ماشي صوره لزعيمنا
رسمت بصباعى رسمه!!
مسكنى امين شرطه بتهمة خيانه عظمى
وف صفحة المحضر
حمدت أنا ربي
انى مفتحتش بقي وطلعت التفه
او اتحررت من قلبى
تهمة
اسمها لأه
*****************
تحياتي لك
mirage:
منك اتعلم
في القلب:
صاحبة اجمل قلب
واطهر روح
صاحبة الحضور القوى
والعقل اللامع
عندما تقول عن العبد الغلبان تلك الكلمات
تتراقص في قلبه الفرحة
ويخر لله ساجدا
ولا يسعه ان يقول مختنقا من بين دموعه
اشكرك يا الهى
osama:
اعجز عن الشكر
esmat:
منورانى دايما والله
وكبيرة اوى عليا استاذ دى
انا لسه مجرد تلميذ
real love:
الشرف ليا
ومنورانى دايما
loumi:
صديقتى العزيزة
شكرا على الدعوة
وعلى الكلام الجميل
و اوعى تحرمينا من زياراتك
عجبتنى اوى حلوه بجد مبعرفش اتكلم كتير لما حاجه بتعجبنى اوى .....يلاا حصل خير
حورس
انا عايزة اسمع رائيك في سوق الجواري
ارجوك وبسرعة
ولازم اسمع كومنت
................................
ريال لف
حورس البيوت بتاعك جميل
جداااااااااااااا
لدرجة انى لا اجد الكلمات المناسبة للتعبير
متميز دائما
جميلة ياحورس
فيها افكار حلوة اوى
بس نفسي تحاول تعملها برتم اكتر
هى غنية جدا بأفكارها ومتميزة مش عادية
يعنى مثلا
مع أول خيط دم ف كحه
مع أول بوسه وشفه ف شفه
مع أول خطوه مع أول لفه
أهلى ف كفه وحبي ف كفه
وانا قافل بقي وحابس التفه
دى برتم حلو اوى
ولأنى قافل بقي
دى ضيعت اللحن شوية
بس هى بجد مليانة افكار..ينفع يتعملها كليب كمان:)
اشوفك على خير
جميلة أفكارك دائما
لم أعد أندهش لذلك
ولكنى أستمتع بالقراءة لكلماتك الرائعة
ألم أقل لك إنك تنتمى إلى عالم إبداعى
غير الذى نعرفه؟
تحياتى
camera girl:
متشكر يا ستى
و وحشيتنا تعليقاتك
real love:
والله انا لولا مشاغلى ابقي اول واحد يقرا حاجتك ويعلق عليها
اسف للتأخير
لعب عيال
يكفينى مرورك وتعليقك ايا كان
فهو يشعرنى بسعاده بالغة
summer:
منك نستفيد يا استاذه
وكل سنه وانتى طيبه
dodo:
لا اعرف ردا
لم اتعلمه بعد
اهناك رد أمام المعجزات
سوى الانبهار
اخجلتينى فعلا
بجد روعــــــــــة
قمة فى الابداااع
حروف ما تجتمع
غير على أوراق شااعر
حقيقى تميز فى الكلمة
تحياتى لك
hana:
متشكر جدا
كلام كبير اوى عليا
يارب اكون استحقه
hi! [url=http://esnips.com/web/minnaregina/]Hello. And Bye.
[/url] http://esnips.com/web/minnaregina/ free nude video clips of milfs
thanks!
free nude video clips of milfs
http://markonzo.edu reviewcavan lorry http://blog.tellurideskiresort.com/members/buy-clomid.aspx http://aviary.com/artists/Zofran
[url=http://onlinecasinose25.com ]internet casino [/url]Howard, and, "in behalf of the company, may I express a hope that your http://onlinecasinose25.com casino las vegas online 6 serie casino online III, xxiv, p. 810 et 811.)]
إرسال تعليق