نجمة جيفارا
الدمعه
اللى بتنزل من عينى وحيده
مش لاقيه دمعه تونسها
شاهده
ورئتينى اللى بدوسها بسجايرى
اكتر ما بدوسك ع الارض
يا كعوب رجليا
شاهده
وصوابع بوب مارلي القذرة
بتلف سيجارة ف صورة
على حيطة اوضتى
شاهده
والنجمة اللامعة
وبتعانى الوحدة
في كاب جيفارا الاسطورة
شاهده
ورسمة البنت الباكية
اللى اديتهالى ايناس
اللى قالت ان صعودنا
هو هبوطنا لفوق
شاهده
ونضارتى ماينس ستة
اللى استرخصت
وجبتها م العتبة
شاهده
و وشوشكوا
اللى لزقت ف وشوشكوا
من كتر اللبس
شاهده
والجامعة الخاصة
اللى مززها
تصحصح رمسيس التانى
شاهده
والشيشة بحجر التفاحتين الأصلي
اللى بيخلص وقت ما اعوزه ما يخلصش
ويطول وقت ما نفسي ما يقدرش
شاهده
انى لا عشت لا بالطول ولا بالعرض
انى يدوبك
بتنفس من تحت الارض
واهو بس كلام
هناك ٢٩ تعليقًا:
محفور فى القبر رسم الجسد
جسدى القديم
طول عمرى بحفر نفسي فيه
من غير مقاديم
اليوم بيمضي بيوم بيمضي بيوم
قليل
ماتلاقى حد ممتش يومه فى كل يوم
هتلاقى رسمة ضحكة فوق شفايفى..فى موتى
والصورة.صورتى
والكلام...رمزه بسكوتى
والناس دى زيي
وكل واحد
محفورين
فى القبر رسم الجسد..
منحوت..حزين
....
كلنا زيك ياحورس..
بوب مارلى زيك..والبنات..وبياعين النضارات
سلملى على نفسك كتير
حووووورس
يا تعبنا معاااك
شاهد
وسنانى الى مستنياك تخلص كليه عشان تعالجها و هى سنه سنه قاعده تتألم و حيده
شاهد
و خلايا مخك ألى بننتظر أبداعها و بنعشقه و أنت مصمم تدمره بالسجاير هى و رأتك كأنك مستخسر المتعه ألى أنتى مسببهلنا
شاهد
و بوب مارلى ألى أنت مصمم تعلقه على الحيطه و صوابعه قذره هى و سجايره
طب ما تشيله و تحط صوره بأيحاء أحلى و و اقع و لو وهمى أجمل
شاهد
و إيناس ألى أنت لازم تساعدها عشان تبقى اسعد و صعودها حقيقى يبقى لفوق لانك صديق لازم تفعل
شاهد
و كلنا بنشترى من العتبه عشان أرخص و هو كله بيؤدى الغرض
شاهد
و فوق لدروسك و خلصنا و متعتش تبص للمزز و متركزش معاهم
عايزينك دكتور حورس بسرعه
شاهد
و عيش يا سيدى بالطول و بالعرض محدش له عندك حاجه و هات كذا منظور للدنيا و كذا فهم للحياه
عشان أن منفعش و احد ينفع التانى
شااااااااااااااااااهد
كل مرة كدة
تخلى دماغي تلف عشان تلاقي تعليق مناسب
القصيدة رائعة
بس الحياة مش كدة
الحالة حقيقية قوي
والوحدة مالية عليك المكان
لك تحيتي
حورس
مالك? من الواضح فعلا ان حالتك النفسيه مش تمام
مش فى حاجه تستاهل
خلى بالك من نفسك ايها الرائع
تحياتى لك
لو باستطاعتي لاهديتك لوحة لفتاة تبتسم ....
اعذرني ذلك الواقع الذي اراه
- اصلي مش مينس ستة -
راااائع ومبتكر ...ومبدع
تحياتي
أضم صوتى لصوت الفاضلة اوشا
واقولك
بتسحرنا بكلامك الناعم الرومانسى
وبتدمعنا بكلمات الشجن
وبتوجعنا لما بتمعن النظر فى حقيقتنا
يوم تخرجنا برد الدنيا وواقعها المر
و يوم تمشينا على الجمر
شاهد
ولا تنسى انا كمان مستنية وحاجزة بعد اوشا فى الكشف على سنانى
التحية لك
العزيز حورس
هو فيه إيه؟
!!!!!!!!!
أرجو أن تخرج من هذه
الحاله في
أقرب وقت
الدنيا هى الشابه
وإنت الجدع
تحياتي
ازيك يا حورس....ايه الى انت معلقه عالحيطه ده يا راجل؟؟.....حد يحط بوب مارلى بردو ده كان مأمل يا عمى...ومع ذللك حلوه منك...اتمنى طبعا انك تخرج منا لحاله الى انت فيها ايا ما كان مداها ولا تأثيرها عليك تخرج منها وانت مرتاح ....سلملى عليك بأه اوعى تنسى
مماتش من سجايره ولا من مرض جيفارا مات
لكن غدر الجبان قتله مسابش حاجة غير سكات
اهداء إلى حورس الجميل
.........................
وأنا دموعي تؤنسها ألامي
وتخرج دخانها جراحي وأحزاني
فهل لها من مداوي
شاهد يا زماني
كتير بتجرح
وكتير منك بعاني
وكل الناس عليك هاتشهد
شاهدة يا ناس على زماني
وإيديا اللى ياما مسحت دموعك
سبتها وأهملتها وظنيت
ان ممكن يجي غيرها ويكون ليه نفس اللمسة
ولكني عليك بشهدها
شاهده عليه
وأوضتى اللى عليها صور لفيلم تيتانيك
كانت تذكرني بحبك
وحتى بعد أن هجرتها شتهد عليك
شاهدة يا صور
والنجمة بالسماء عندما
شهدت حبنا
وشهدت يوم غدرت بنا
شاهدة عليك
وكل بنت احببتها تشهد عليك
تشهد انك دنجوان الزمان
ولكنك تظل يا حورس ملاك
وأجمل ملاك
وأبدع فنان
يرسم صور أحساس
لأنك ملك الإحساس
وكل حاجة تشهد
شاهد يا كل الزمان
ويشهد عليها كل الناس
وحتى البوست كمان
.......................
إهداء لأبدع فنان حورس
من عمان إلى أن أعود إليك
ريال لف
summer:
ايه الكلام الجامد دا
انا سلمتلك على نفسي
وبتقولك خدى بالك من نفسك
وبتدعيلك بكل السعادة
فى القلب:
وانا قلبى شاهد
انك جواه
ومقفول عليكى
ومش ممكن تخرجى منه ابدا
مصطفى السيد سمير:
الف شكر يا مبدع
منورنى دايما
ra7el:
متشكر على سؤالك يا قمر
ويارب تكونى بخير
mirage:
اجمل هدية جاتلى ف حياتى
كانت منك
ربنا يديم صداقتنا
واتا مش محتاج الابتسامات فى حاجه
زهقت منها
esmat:
كلامك كبير اوى عليا
وبالنسبة للكشف
انتى بس تؤمري
ادى كدا كشفين
ربنا يسهل
loumi:
شكرا
على الدعوة الجميلة
والزيارة الاجمل
camera girl:
يوصل يا جميل
ومتشكر على الدعوة
بس يا رب تكون من القلب
الاستاذ:
مبسوط باول زيارة
ويارب متكونش الاخيرة
نورتنى
real love:
ربنا ما يحرمنى منك
ولا من كلامك الجميل
وان شاء الله ترجعيلنا بالف سلامة
حورس
أربع عشرة مرة قرأتها
ولم أجد تعليق لأكتبه
هل ستصدق؟
إنه رقم حقيقىّ
صاخبة على قلبى كلماتك
على مدار يومين وبعض يوم
لم تسعفنى الكلمات
ربما
وقد
يكون السبب أننى قرأتك فيها
قرأت حورس صديقى الرائع
قرأتك انت
وأنت تدرى من تكون لى أنت
***
أولا
لا تفعلها بى ثانية
ثانياً
هل قلت إن دمعتك وحيدة
لم تجد من يؤنسها
هل تقبل إذاً دمعتى من أجلك
دمعة قلقى عليك
دمعة خوفى الصادق بحق
هل تكفى إذا لتؤنس دمعتك
إن كانت تكفى فسأبكى كلما بكيت
ولتكن كل دموعى من أجلك
حورس : لم يسعدني الحظ ان أعلق لك على فالسك الاكثر من رائع الذي دون ان اشعر رأيتني فيه سيدتك ورأيتك أنت سيدي وسمعت موسيقاه حقا و- دماغي لفت - من فرط احساسي بالموقف
ولكن ما الذي حدث بعد ذلك يا حورسي الصغير ؟؟- مين اللي زعلك كدة- سلامة احساسك وسلامة نفسيتك من اي تعب او زعل
حورس : اتذكر حين حذرتني من الغوص في بحر كلماتك ؟ خوفا من ان انسى السطح وأن أعشق ذلك العمق ،، وقد أتحول الى حورية بحر لا تتحرك زعانفها الا في بحر كلماتك
عزيزي : حتى في اصفى لحظات حزنك دخلت معك غرفتك تلك التي أشهدت أدق من فيها عليك على حياتك تحت الارض ؟؟ هناك حيث ننزل جميعا أو نرانا كذلك ،، حين تختلط المحسوسات وينعدم تطبيق المفردات ،، نعم انها مفردات -كبر دماغك ،انسى ، اخرج من اللي انت فيه ،ولا تزعل نفسك ، مفيش حاجه في الدنيا تستاهل لحظة زعل ،،،
وغيرها من المفردات التي حقا لا تطيبق عملي لها
حورس الصغير : اتنفس فوق الارض وعيش يا سيدي بالطول والعرض وزي ما روحت هناك بنفسك هترجع تاني بنفسك ،، بنفسك اللي انت عايزها ونفسيتك اللي انت هتروقها ،، اسفة اني طولت
كن بكل خير
dodo:
لواعلم ان دمعة منى
ستتسبب فى نزول دمعة
من دموعك الغالية
لامتنعت عن البكاء حتى مماتى
لانتزعت غددى الدمعية
وبكيت هواءا
ساخنا
محرقا
مش عارف اقولك ايه
انتى على فكرة تالت المستحيلات
الخل الوفى
نورسين:
انتى تطولى براحتك يا قمر
متتخيليش كلامك اسعدنى اد ايه
خاصة مدى تأثرك بكلماتى المتواضعة
وعندما يأتى هذا الرأى من مبدعة بقامتك
افرح من قلبى فعلا
بس ايه حكاية حورسك الصغير دى؟؟
اوعى تكونى اتخدعتى بموضوع الجامعه دا
دا بس تمويه
يا صغيرتى نورسين
اشكرك
معلش متاخر حبتين
بس البوست ده ما يتفوتش باي صورة من الصور
من الاخر جامد جدا جدا يا تشي
انا عرف انك بترمي الوزن ورا ضهرك من جمال الفكرة والالفاظ
بس لو حطيتة في دماغك صدقني كتاباتك هتسمع اكتر انت موهبتك لا غبار عليها
تحياتي لك يا صديقي على البوست الممتع ده
احمد سلامه
صديقى العزيز
مش موضوع وزن ومعنى والله
كل الموضوع اللى الموهبة اللى بتتكلم عليها دى
انا متشكك فى وجودها اصلا
فبتعامل مع الكتابة باهمال شديد
انا عار انها تستاهل اهتمام اكثر من كده
وع العموم
رأيك بيشرفنى
و وجودك عندى بيشرفنى اكتر
اشكرك
ليه كلكو عايزينه يتغيـر
والله بقــت حاجــة تحيـــر
طب باحلف لكو أنا عالمصحف
إن ده كاتب لسـه صـغيـر
***
الجاحـظ قتلتـه مكتـبـتـه
والعقـاد شَهَرتـه موهبتـه
طه حسيـن كان أعمى ياناس
و"المحروس" كاتب ودي حالته
***
أنا راح أقولها بكل صراحة
والحدوته مش ناقصـة كلاحـة
الكاتب يا ييـجي له كآبه
يا يعيش عيشة مش مرتاحـة
***
سنـه يا ناس وهنعمل إيه؟
الكاتب عمره ما كان بيـه
ولاكان باشا فِ القصرالملكي
كـل النـاس بتـبـص عليـه
***
( إرتجاله )
والله العظيم انت رائع يا حورس .. أنا عايز أقول لكل الناس معلومة حقيقية مع كل إحترامي لكل تعليقاتهم .. الكاتب الحقيقي لازم يكون عنده حاجة زي الاكتئاب و غالبا هو كمان ما بيعرفش سببها .. وأبسط دليل(المعروف للناس كلها)إن صلاح جاهين بجلالة قدرة كتب عن الإنتحار و فيه ناس بتقول إنه انتحر فعلا !! و نجيب محفوظ كان بيخرج يتمشى عالنيل قبل الفجر عشان ما يشوفش أي حد ولا يتكلم مع حد .. م الآخر الكتاب ليهم ملكوت تاني .. سيبوهم في حالهم.. على فكرة الموضوع ده مفتوح للمناقشة اللي عايز يناقشني فيه يبلغ حورس سواء في المدونة أو بأي وسيلة و هو هيعرف يقبض عليا عشان أنا كائن زئبقي .. آسف يا حورس طولت عليك أوي .. آســــــــــف .. والله العظيم تاني انت رائع
عبد الله ايهاب الزمزمى:
صديقى الكاتب الرائع المرتجل
مش عارف اقولك ايه على كلماتك الجميلة
كنت اتمنى انت او باقى الزوار
ميتعاملوش مع النصوص باعتبارها
مواقف شخصية
انا كل اللى بتمناه من ربنا
انى امتع اى حد بيقرا
وانت يا عبد الله بسطتنى اوى بالأبيات بتاعتك
الف شكر
بصراحه اكتر اناماقراءه عنك لا ولاحتى شافتك ولكن سمعت عنك من وصف الكلام انك رجل وليس كلام
وسمعت انك انسان طيب ومفكرا رائع وعقل ممتازا ولكنى لمااعرفك بعد
بدى بس احكلك شئ
لايوقف قلمك احد ولاتخلف ظن العالم فيك من خليل حروفك الى متعودين عليه
ياصاحب العقل المفكر والقلب الحساس والقلم الحدا الصريح جدا انت فى بخاره
والعالم حولك اموج وشرا
الله يحافظك امين حظ سعيد
إرسال تعليق