السبت، ٢٦ سبتمبر ٢٠٠٩

المية طماعة



بردان يا بردانة


والوحدة سعرانة


ومش لاقي مكان للاختباء..


ورفضت


بصوت غيرك أتدنس..


ورفضت


حتى بالمية أتونس..


المية..


من يوم ميلادها طماعة..


المية قطة ف الطاعة ..


وأنا عطشان..


هتسرق خلاياكي من جلدي


وهتسيبني


بردان..


بردان يا بردانة


والوحدة سعرانة


ومش لاقي


مكان


للاختباء..

هناك ٦ تعليقات:

r يقول...

حورس
ازيك الاول

الميه الطماعه
تعبير قوى مع انى بشوفها كريمه جدا
بتجيلك فى صوره مطر وندى ونهر وبحر حتى دموع
وتقول طماعه

دمت بخير



ا

------ يقول...
أزال المؤلف هذا التعليق.
------ يقول...

الف الف الف مبروك
أ/ محروس

ويارب كدا يوفقك دايما
ويحققك كل اللى تتمناه

------ يقول...

المية..
من يوم ميلادها طماعة..
المية قطة ف الطاعة ..

حلو اوى

بس ازاى المية طماعة :)

وليد يقول...

حورس ازيك وحشنى
كلامك جميل زيك
بس المره الجايه يارت
تكون دفيان

bent ali يقول...

حورس..

كلمات بسيطة وطقولية غاية فى العمق والإحساس، أتعلم لقد تسرب البرد القاطن فى قلبك لمن يقرئك ببراءة عيون طفل يتيم، أحييك على كلماتك الراقية العميقة

وفاء