حالة
ولا أي كلمة حب اتقالت ف يوم ما بين اتنين
تسوى حلاوة كلمة منك قلتهالي...
عيد قلت ايه كده تاني وتالت أنا قلبي كله حنين
ولا يطفي ناره حبيبي غير لو عيدتهالي...
عارف بتعمل فيا ايه كلمة حبيبي ..؟!
زي اللي أول مرة بيحس بأمان....
خليك معايا
خليك معايا يا حبيبي مهما كان
خليك معايا
يا حلم عمري اللي ف خيالي من زمان...
عارف انت أجمل حاجه تفرح الواحد هي إيه ..؟!
إن اللي ياما حلمت بيه تلاقيه حبيبك
وانا عشت بحلم باللحظه دي دا اللي بدوّر عليه
أنا اسيب حياتي ودنيتي ولا يوم أسيبك
عارف بتعمل فيا ايه كلمة حبيبي..؟!
زي اللي أول مرة بيحس بأمان....
خليك معايا
خليك معايا يا حبيبي مهما كان
خليك معايا
يا حلم عمري اللي ف خيالي من زمان.........
بقلم :أيمن بهجت قمر
من ألبوم عمرو دياب الأخير بعنوان خليك معايا
بجد....
حاسس كل حرف فيها....
هناك ١٩ تعليقًا:
فعلا أغنية جميلة
أول مرة تنزل أغنية
بس عموما
اختيار موفق
على فكرة انا اول تعليييق
كثير من الكلمات قد تبدو قاصرة ... قاصرة تماما عن وصف ذرة حس تعصف بدواخلنا ..
بحبك ... قد تبدو قاصرة تماما
وحشتني ... كم هي ظالمة تلك الاحرف رغم تناغمها
يا كل مفرادات اللغة ،، يا أقدر اللغات على نسج ابدع الكلمات والمرادفات والمتناقضات والمتضادات
.. لما أنت قاصرة... ؟؟
.. لما أنت عاجزة...؟؟
عن وصف حالاتنا .. عن البوح بما يدغدغ روحنا ..
لا أحرف .. لا كلمات .. لا عبارات ..
خليك معايا ..
خليك معايا ..
يا حلم عمري...
..............
سلمت من كل مكروه
كن بخير
لأجلنا كن بخير
أم نور
ايه الحلاوة دي
ايوة كده عايزين نفرح كفاية نكد
ومن هنا ورايح بوستات بالشكل ده علطول خلي القعدة تحلو
المهم شد حيلك وربنا يوفقك ومتفرحش اوي لستة كتب هستلفها منك كالعادة اما اجي
ويارب تكون دايما كده بتحب وسعيد
الاغنية دى جامدة اوى واكتر اغنية باحبها فى شريط عمرو
ربنا يخليكم لبعض
تحياتى 0
اغنية مليئة بالمشاعر والاحاسيس الجميلة
لا تأتى الا من قلب يحب
ربنا يسعدكم
الله اول مرة تكتب اغنية..
والله احنا بنعذب في ارواحنا عشان نطاع فكلام يوصف وبرضو منقدرش
وفي الاخر نلاقيس اغنية توصف كل حاجة ببساطة
"زي الاول مرة بيحس بأمان"
جميلة D:
keep goin on
انا اسفه لتاخرى افتقدت جدا التعليق فى مدونتك الجميله ولكن منعتنى ظروف كثيره منها امتحاناتى اللى قربت واللى ممكن تمنعنى عن هذا العالم الجميل لفتره
واختتطفت هذه الدقائق للتعليق السريع على هذا البوست الجميل
الاغنيه ديه اول اغنيه لفتت نظرى اول مانزل شريط عمرو دياب وفعلا معانيها وكلماتها بتوصل القلب مباشره لانها بتوصف الحب بكل ماتحمله هذه الكلمه من معانى وعمرو دياب بيغنيها باحساس عالى
وكانت اغنيتى المفضله فى الشريط
تحياتى
الجديد الجديد الجديد
دائما لديك الجديد
كل بوست فيه الجديد
كل جملة لها معني جديد
و بالتالي فكل لحظة فيها جديد
دمت دائما بالف خير
تحياتي
الرائع حورس
يارب تكون بخير
بالنسبه للاغنيه دى فعلا كلماتها جميله جدا اانا بحبها قوى
على انا متابعه مدونتك بس مقصره فى التعليق مش بعرف اعلق وانا فى سيبر بحس انى مش مركزه
اختيار رائع مثل كلماتك دائما
تحياتى لك وتقديرى
مصطفى سمير:
الشاعر الجميل
شكرا على تعليقك
أم نور:
لأجلنا كن بخير
يااااااااه
كم ترنم صدي تلك الحروف بداخلى
كم من مساحات صدئة مسح وكم من اتربة ازاح
شعرت ان الجمع فى اجلنا لأكثر من اثنين
كم هى قاصرة كل الكلمات
والافعال
والايام
والعوالم
والاكوان
سأقول بلا كلام
سأنطقها بالصمت
هل تسمعينها؟؟
emoo:
اشكرك على دعواتك الجميلة
الصادرة من قلب نقى
حظيت بمعرفته عن قرب
totaaaa:
اشكرك على تعليقك
واتمنى تكرار الزيارة
shereen:
شكرا على الدعوة الرائعة
واتمنى ان تكون من القلب
سمكة:
مش عارف ليه حسيت انك افتكرتى انى انا اللى كاتب الاغنية
وع العموم
شكرا على تعليقك ومتابعتك الدايمة
نبضات:
تعليق متميز كالعادة
شعور متبادل
حيث افتقد تعليقك
اشكرك
ceaser:
الجديد
ابحث عنه دائما
واتمنى ان اكون نجحت فى توصيله اليك
لأننى فاشل في توصيله الى ذاتى
اشكرك
ra7eel:
أشكرك على تعليقك وعلى متابعتك
ويارب تكونى بخير
دايما بخير
إرسال تعليق