حصاة غريبة في نهر أغرب
انا لحد دلوقتي مش عارف بالظبط انا عملت المدونة ليه ؟؟..يمكن حسيت ان المجتمع الإفتراضي دا فيه صدق و ونس وحنان أكتر من الواقع ..يمكن علشان مش لاقي حاجه أعملها؟؟..بس لا في حاجات أسهل ممكن تتعمل ..بدل المسئولية الفظيعه اللى حسيت بيها اول ما المدونة بدأت تظهرأدامي ..هحاول على أد ما أقدر ان اللى يدخل يستفيد أو يستمتع
أو يفكر بشكل مختلف ..أو على الأقل ميقررش إن دى تكون المرة الأخيرة اللي يدخل فيها .. هحاول .. مجرد محاولة !!
هناك ٥ تعليقات:
أول تعليق
ايه الاحراج ده
على فكره سيبك من حكاية انه مجتمع افتراضى وفيه ونس لانه بالضبط صوره من الواقع
بس امكانية التغيير فيه اسهل شويه
منتظر جديدك بفارغ الصبر
مدونتك حلوة يا حورس .. وافكارها متنوعة ..
كان فى دماغى نفس تفكيرك ده اول ما عملت المدونه بردو
لكن اكتشفت انها فعلا صورة من الواقع .. مش عالم تانى ولا حتى عالم افتراضى ..ومع الوقت بدأ الواقع يقتحمها اكتر وكتر .. وقلت مساحه الحرية وسهولة التعبير فيها عن الاول :)
بس يكفى المشاركة وتبادل الاراء فيها ..
صحيح المشاركة وتبادل الاراء دول ممكن تلاقيهم فى حاجات تانية كتير .. لكن فى المدونة بتكون الساحة بتاعتك ..والاساس فيها كلامك انت .. احساسك انت .. مش كلام حد تانى
متشكر على التشجيع يا جماعة ..زيارتكم اسعدتنى كتييييييييييير
اعتقد انك فعلا هتنجح فى ان اللى يزور مدونتك اول مره لازم يرجع؟شئ تلقائى يخلى اى حد يزورك لاول مره يجى تانى. انا شخصيا ناويه ارجع تانى وتالت ورابع ....................
دى أحلى وأجمل حاجة
إنك عملت المدونة دى
أنا بعد يوم 30 \ 8
بفكر لو مكناش عملنا
المدونة كان هيعدى اليوم ده ازاى
الحمد لله
إرسال تعليق