التاج علينا حق
تاج جميل من كوكا الجميلة
انت مين؟
قالوا انت مين؟انس ولا جان؟انا قلت انسجان والمختصر انسان
مين أكتر ست أشخاص بتحبهم؟
بابا وماما واخواتى يوسف وآيه وأمى الروحيه الكاتبة الكبيرة جدا جدا أ/عفاف السيد وطفل معاق ذهنيا عنده تلات سنين زى العسل اسمه يحيي
هل أنت سعيد؟
لو قلت أه أبقي كذاب بس بتمر عليا لحيظات سعادة
لو اجتمعت مع حسنى مبارك في غرفة واحده هتعمل ايه؟
قصدك هعمل ايه ولا ايه ولا ايه
لو معاك مليون ونص تعمل ايه؟
هطبع كل كتاباتى وهحاول اسعد كل اللى حواليا ولو فضل فلوس مش هتجوز
بتحب مصر؟
أنا مصر عندي أحب وأجمل الأشياء
بحبها وهى مالكة الارض شرق وغرب
وبحبها وهى مرميه جريحة حرب
بحبها بعنف وبرقة وعلي استحياء
وأكرها والعن أبوها بعشق زى الداء
واسيبها واطفش في درب
وتبقي هى في درب
وتلتفت
تلاقينى جنبها في الكرب
أكتر شخصية متقدرش تستغنى عنها؟؟
حالياً نفسي
اكتر موقف محرج اتعرضت ليه؟
الحياة بالنسبة لى موقف محرج أرغمت عليه ولا استطيع الفكاك منه
الامنية اللى بتتمناها؟
الرضا..عشان انا مقتنع ان السعادة في الرضا
تمرر التاج لمين؟؟
أمانى
spellz
شمس الليل
هناك ٦ تعليقات:
7asbeya Allaah:D
Rabena yesam7ak :D
Well ha3melo we amry ila Allah bs estana 3laya shwaya:D
أى خدمة..وانا مستني
جاوبت بسرعة .. وده شئ كويس
عجبتنى اوى اجابتك فى سؤال بتحب مصر؟
واجابتك فى سؤال الموقف المحرج اوجعتنى :(
حاول تعيش حياتك بطريقة اكتر ايجابية عشان تقدر تكمل
وخلى احزانك واوجاعك دافع للوصول للنجاح والراحة والسعادة
علشان اكمل لازم اعيش حياتى بطريقة اكتر ايجابية وعشان دا يحصل لازم اغير حاجة مهمه جدا ..وهى حياتى نفسها ..وانا ف سبيلى لكده
ربنا يكرمك ويوفقك :)
وبعدها يثبتك ..
يسمع من بقك ربنا يا كوكا
متشكر على الدعوة الجميلة
إرسال تعليق