dog..................toooooooooooooor
من أول ما الأمور يدخل ثانوية عامة وتبدأ عينة تدغشش من كتر الحفظ والصم ف سنتين مالهمش اى لازمة أو معنى ولو اتلغوا حال التعليم ممكن يبقى فيه أمل ..بابي يجيبله نضارة وأول ما مامى تشوفه يا سلام يا بقلظ دكتور والله..وينشكح بقلظ ويفشخ ابتسامته ويديها حفظ ويديها صم ويديها غباوة كمان وكمان ومادام دى التلات مفاتيح الذهبية للثانوية العامة المصرية..بقلظ يجيب أعلى مجموع..ويدخل طب ..ويا حبذا لو طب القصر العينى ..حلم كل طالب معاق ذهنيا..ونقول ليه بقا معاق ذهنيا ..دلوقتى جوه كل واحد فينا مواهب وملكات في اللى اكتشفها وفي اللى اتنيل على عين أهله ولسه بيحاول وميتهيأليش إن أى واحد هوايته انه يفتح خراج مثلا أو يعمل بواسير ..تانى حاجه هى الحكاية ناقصه ضياع عمر!! مش كفايه تلت عمرك أو أكثر ضايع نوم تضيع سبع تمن سنين عشان تطلع ولا حاجه ليه؟؟..ايوة دى مش مبالغة ..طالب الطب الشاطر المتفوق اللى معادش ولا سنة ودى مش نسبة طاغيه يعنى..بيتخرج بعد سبع سنين ولا حاجه ويبدأ يتعلم ..زغرطى يا أم قرني ..وبعدين اللى بيحلم بالحياة الجامعيه اللى بيشوفها فى الافلام والمسلسلات ينسي خالص انه ممكن يلاقي حاجة زى دى في كهوف الطب العتيقة أولا مفيش وقت لحاجة اساسا اذا كنت بتذاكر أو مكنتش ..ثانيا البنات مش فاضيه تغسل وشها عشان تفضالك وتحط أحمر وأخضر وتهتم بنفسها ..انسي الصورة دى تماما ..واذا كنت لسه عايش ف دور ان الدكتور ليه هيبه وانه شغله مضمون والكلام دا ..انسي يا حبيبى الكلام دا كااااااااااااااان زماااااااااااااااااااااااااااااااااان وبعدين الناجح ناجح في مجاله يعنى أحمد زويل ،نجيب محفوظ،جمال حمدان،ابراهيم عيسي،احمد فؤاد نجم،عادل إمام،ايزابيل الليندي،سهير المرشدي ..ومتاخدش ف بالك من الامثلة هما دول اللى جم على دماغي دلوقتى ..ناجحين دول ولا مش ناجحين ..حد ف دول دكتور وبعدين نبطل نكذب على بعض بقا ونظلم الدكاترة خريج كليه طب مش دكتور ..دا حتة طبيب..الدكتور اللى ياخد الدكتوراه ..الى كل من نجا من كليه الطب ..أنا فرحانلكم ..إدعولى أحصلكم..
هناك ١١ تعليقًا:
اتفووووووووووووووووووووووووووو على دى كلية تغوووووووووور بمجاميعها بطلبتها بغابوتهم
بس على فكرة انتوا مرحومين فى القصر
عين شمس بقى مقولكش
عارف بعد خمس سنين فى المخروبة انا حاسة انى انسانة غبية و مل الذمكاء الى عندى اتمسح و فاشلة و معانديش موهبة من اى نوع لا فى الطب ولا غيره
انا نكرة هييييييييييييه
شكرا علي تشريفك ليا ومين سمعك غباوة وانعدام ذكاء وكل حاجة اتمسحت انا برضه بقالى خمس سنين بس مش ف سنه خامسه ما علينا المهم الظاهر ان احنا محتاجين دكتور بس ميكونش خريج طب ..خريج ايه بقا معرفش ..وبضم صوتى لصوتك اتفووووووووووووووووووووووووووووووووووو
انتوا مستغربين ليه ... ده حالة كل حاجة فى البلد ... الكليات ما بتعلمش حاجة ، والمستشضفيات ما بتعالجش حد واللى بيحف بيبقى من عند ربنا ...
الفاسد وصل لكل حاجة فى البلد مستغربين ليه انه يوصل لكلية طب
ربنا يكون فى عونا وفى عون اولادنا لما ده يكون احساس الطلبة فى كلية طب مين اللى ها عالجنا بعد كده
اعتقد ده بيوضح ليه تجارة الاعشاب بقت موجودة كتير علشان الناس ما بقاش عندها ثقة فى الدكاترة
هوا أنا كل اما ادخل بلوج
قلاقيه قرفان من طب
طب دخلتوها ليه هههه
هوا عامة كل الكلبات سلبياتها كتير
المشكلة مشكلة تعليم مصري ليس في طب بس
يعني أنا كنت تجارة ورغم إني شايفة إن الكلية ديه لو اتدرست صح هتبقى من الكليات المرغوبة فعلا بعيدا عن ان فيه ناس بتدخلها جبرا من أجل المجموع القليل
لكن المشكلة بقوا بيتعاملو معاها كانها علبة سردين يملوها وقت اما يكونوا مش محتاجين البشر اللي بتخرج من الثانوية ويزودا مجاميع كليات القمة
تعليم مهزلة بجد لما يبقى مدرج يسع ألفين طالب يتحشي خمس الاف طالب وده مش كل الدفعة لا البقية قرروا احترام نفسهم وسابوها تخرب فوق التعليم الخربان نفسه مش هيقطعوا نفسهم
لا ويجي دكتور امور يقلك انتوا سبب بوظان نظام الكلية مبتحاولوش تدورا على ابحاث علمية ومراجع قال عارفين نحضر بكرامتنا ام هنروح نعمل ابحاث هههههه هم يبكي وهم يضحك
فعادي
نحن في بلد التهميش
هو فعلا الفساد وصل لكل حاجة بس معظم الناس كان عندها صورة غلط وتأليه غريب وغير مبرر لطلبة الطب وكلياتها وع العموم شرفتينا يا ياسمينا
أبحاث...فعلا هم يضحك..هما الناس دول مش عايشين ف الدنيا..ميعرفوش الملخصات والبراشيم والملازم والامتحانات اللى هما نفسهم بيحطوها ومبتقيسش اى حاجه ف اى حاجة التجارة بايظه والطب بايظ وكله بايظ بس الدنيا منورة ؟؟أكيد عشان شمس الليل زارتنى!!
انا اول ما قريت البوست قولت ايه ده ده شكله مخنوق من الدكاتره اوى :d
ومكنتش اعرفان حضرتك طالب طب بقى :d
بس بعد ما عرفت بقول ليك حق .. اللى بيشوف الهم بعينه بيصعب عليه حد يشوفه من بعده :d
بس اصلا اصلا نظام التعليم فى مصر كله بسم الله ما شاء الله ولا حول ولا قوة إلا بالله مفيش منه اتنين فى الخراب ..
وادينا كل يوم بنقابل كتييييير اوى داخلين تخصصات بإرادتهم وعن حب ومع ذلك فاشلين ..
والاسباب طبعا معروفة
ربنا يعافينا ..
الا دا يا أختى..دا موال لوحده ..حتى لو داخلاه بارادتك بتتبهدلى مابالك بقا لو مش جاى على هواكى ..ربنا يستر ويعديها على خير
العيب مش في الطب العيب في الدراسة الاكاديمية الي بتعلمنا ازاي نكون اطفال
في ناس كتير فعلا بتدخل طب كنوع من المنظرة الاجتماعية
بس ده عشان احنا في بلد بايظة
مش بتقدر لا فن ولا مواهب ولا بطيخ
بس طبعا النجاح مرهون بالشخص نفسه يعني في اطباء ناجحين!
محدش يقدر ينكر ان في أطباء ناجحين والعيب طبعا مش في الطب كعلم ولكنه في نظام تعليمى فاشل وفي طلبة أغبياء زيي كده مقدروش يحددوا ميولهم بدقة قبل ما يتنيلوا على عينهم يدخلوا كلية
طب ليه كده حرام عليك تسودها فى وشى دنا فاضلى ايام عل امتحان البكالريوس؟ ايووووان ...بكالريوس الطب والجراحه القصر العينى
إرسال تعليق